Or sus or sus

Or sus, or sus
Par dessus tous les aultres
Begny soit le coqu!
Onques tel oysel ne fust veu.
«Janyn Janot, es tu point marié?»
«Et oui, dist il, que Dieu en ait  bon gre,
 A une dame qui d’aymer m’a prié. »
«Et Janyn Janot! Es  tu point marié? »
Or sus, or sus
Par dessus tous les aultres
Begny soit le coqu!
 

"Hé! Dieux, hellas! puis le jour de mes nopces
Oyseau suis devenu".
" Janyn, mais quel oyseau es tu?
Es-tu pinchon, linot, merle ou cahu?"
"Nennin, dist il, je suis un vray coqu,
En Normendye sommes cent mille et plus!
 Et en Dieux, hellas! oyseau suis devenu."
Or sus, or sus
Par dessus tous les aultres
Begny soit le coqu!

 "Janin Janot, ainsi que dist ta femme,
Beste tu es devenu".
"Hellas, je suis homme perdu.
 Suis je singe, marmot ou chat barbu?"
"Nennin, dist il, tu es un cerf cornu,
Allant par ville tout chaussé et vestu.
Et Janin Janot, beste tu es devenu".
Or sus, or sus
Par dessus tous les aultres
Begny soit le coqu!