Mot de passe oublié ?
On doibt bien aymer l'oysellet
—
Mots-clés associés :
Chanson
Manuscrit de Bayeux - XVè siècle
On doibt bien aymer l’oysellet
Qui chante par nature
Ce mois de May sur le muguet
Tant comme la nuit dure.
Il faict bon escouter son chant
Plus que nul aultre en bonne foy,
Car il resjouist mainct amant.
Je le sçay bien, quant est a moy.
Il s’appelle roussignolet
Qui mect toute sa cure
A bien chanter et de bon het,
Aussy c’est sa nature.
***
Le roussignol est soubs le houlx
Qui ne pence qu’à ses esbats,
Le faulx jaloux se siet dessoubz
Pour luy tirer son mathelas.
La belle qui faisoit le guet
Luy a dict par injure:
"Hellas, que t’avoit-il meffaict,
Meschante creature?"
***
