Le bon espoir que mon cueur a (en amours n'a sinon bien)

En amours  n'a sinon bien,
Nul mal qui ne luy pence.
Amours font faire mainct tours
Et maincte contenance.

Je le dis pour mon amy
Qui est gay et bien joly
Je le congnois d'enfance.
S'il m'ayme, si fais je luy
Dieu me garde de meschance.

Il est d'ung si beau maintien,
Bel à grant suffisance;
Mon cueur veult, et moy le sien
D'une vollunté france.

S'il estoit, par Sainct Rémy,
Avec moy jour et demy,
J'ay en lui tel fiance,
Qu'il n'y seroit endormy,
Tant est plain de plaisance.