Le bon espoir que mon cueur a

_

Le bon espoir que mon cueur a
Sur le temps qui est advenir
Me faict tousjours en joye tenir.
Ce qui doibt advenir vendra

Le vent qui vente d'une part
Si ne peut pas tousjours durer.
Il faust qu'il change tost ou tard:
Mais trop il nous peut anoyer.

L'on dict:"Hastivet s'eschauda"
Peyne et doulleur nous fault souffrir;
Qui emprunte ne peult choisir,
S'ay je ouy dire, longtemps a.

J'ay enduré peyne et douleur,
Par mon serment, le temps passé
Qui m'a faict changer ma coulleur,
En vérité j'en suis lassé.
Qui bien fera bien trouvera,
Il ne se fault point esbahir
Pour ung petit de mal souffrir,
Car puis après bon temps vendra.