L'autrier

L'autrier quand je chevauchoys (bis)
A l'orée d'ung vert boys
Trouvay gaye bergère :
De tant loing qu'ouys sa voix
Je l'ay araisonnée

Tanderelo !
Dieu vous adjust bergère ! (bis)

Tandis que l'araisonnoys (bis)
Ung grant lou saillit du boys
O la goulle baée
La plus belle des brebiz
Il en a emportée

Quant la bergère si vit (bis)
Que le lou tint sa brebiz
A haulte voiz s'escrye
Qui m'y rendra ma brebiz
Et je seray s'amye ?

Quant le chevalier oyt (bis)
Ce que la bergère a dit
Mist la main a l'espée
Au devant du lou s'en va
La brebiz a laissée

Tenez belle, tenez cy (bis)
Je vous rends vostre brebiz
Saine comme les autres
Or me faictes mon plaisir
Comme j'ai fait le vostre

Chevalier, cinq cens mercys (bis)
Pour ceste heure n'ay loisir
Aussi je n'oseroye
Et m'en eussiés sauvé dix
Pour rien ne le feroye