Il est venu le petit oyseillon

-

Il est venu le petit oyseillon.
Ce mois de May certainement
Chanter auprès de ma maison :
Le cueur de moy, hauvoy, s'en resjouist souvent,
Le cueur de moy, hauvoy, s'en resjouist souvent

C’est le petit oyseillonet
Qui chante au vert bocaige,
Qui en son jolly chant disoit
Vrays amoureus en son langaige:

Or est venu le temps et la saison
Qu’amoureux sont en pencement;
Des mesdisans gardon nous du blason.
 Quant est à mov, j’aimeray loyaulment.

 Je my levay par ung beau jour
Pour aller voir ma doulce amye;
Car je pretens avoir s’amour;
 Mais j’en suis en melencolye.