Fleur de gaicté

Fleur de gaicté, allegés le martire
Dont mon cueur a la peine et la douleur.
Il vous plaira ce que mon cueur desire
  My soit donné, belle. c’est vostre amour.

Sans vostre amour je ne puis nullement
D’estre amoureux et d'avoir le cueur gent,
Sy vous supply et requiers humblement
Qu’il vous plaise prendre mercy de moy.

Ou aultrement, certes, je puis bien dire
Qu’en ma vye n’y a point de retour.
Vrays amoureux, my lesrez vous occire,
 Quant j’ay servy la belle chascun jour?

 Fleur de gaicté, allegés le martire
Dont mon cueur a la peine et la douleur.
Il vous plaira ce que mon cueur desire
  My soit donné, belle. c’est vostre amour.