C'est a ce joly moys de may

C'est a ce joly moys de may
Que toute chose renouvelle
Et que je vous presentay, belle
Entierement le cueur de moy.

Les arbres par leur grant beaulté
Se sont tresous couvers de verd,
Les oyseyllons y ont chanté
La nuit, le jour comme il apert.

L'alouette et aussi le gay
Avec la gente teurterelle
Qui à son jolly chant appelle
Le roussignol qui est tant gay.

M'amye m'a salut mandé
Par ung messager seullement,
Ainsi qu'il m'a contremandé
Au jolly bois où il m'attend.

Je my en voys presentement
Et luy diray:"Ma damoiselle,
Par mon serment, vous estes celle
Qui resjouit le cueur de moy".